Владимир Путин ана капиталын шәхси белем бирүгә түләү өчен файдаланырга рөхсәт итте

Россия Президенты Владимир Путин шәхси эшкуарлар тарафыннан күрсәтелә торган белем бирү хезмәтләренә түләү өчен ана капиталы акчаларын файдаланырга мөмкинлек бирә торган законны имзалады. Шул хактагы документ хокукый мәгълүмат порталында дөнья күргән, дип яза «Татар-информ» МА.

Шунысын да искәртик: ана капиталы буенча түләүләр быелның 1 февраленнән индексацияләнде. Хәзер аның күләме беренче балага – 524,5 мең, икенчесенә 693,1 мең сум тәшкил итә.

Фото: Эльвира Иванова/ «Хезмәт даны»