Татарстан синоптиклары яңгыр һәм юеш кар турында кисәтә
Төнлә урыны белән республикада һава температурасы -2 градуска кадәр булырга мөмкин
Иртәгә, 20 майда, Татарстанда аязучан болытлы һава көтелә. Урыны белән яңгыр булачак, төнлә һәм иртән юеш кар явачак. Бу хакта Татарстан Гидрометеорология үзәге хәбәр итә.
Төнге сәгатьләрдә термометр баганалары ноль градуска кадәр төшә. Шул ук вакытта, «Татар-информ» мәгълүмат агентлыгы хәбәр иткәнчә, республикада кайбер урыннарда туфракта -2 градуска кадәр кырау булырга мөмкин.
Көндез һава +10...+15 градуска кадәр җылына. Бүгенгедән бераз җылырак булачак. Татарстан Гидрометеорология һәм әйләнә-тирә мохитне күзәтү идарәсе мәгълүматлары буенча, 17.10 сәгатьтә Казанда һава температурасы 7,5 градус җылылыкта булган.
фото: Эльвира Мөбарәкшина/ "Хезмәт даны"
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев