Рамил Нургалиев: Сайлауларда бернинди хокук бозуларга юл куелмаячак

Кукмара районының барлык сайлау участокларында да полиция хезмәткәрләре җәмәгать тәртибен тэмин итә.
“Безнең төп бурычыбыз – сайлауны үткәрү барышында Россия Федерациясе Конституциясен, сайлаулар турындагы законнарны, Җинаятьләр Кодексын һәм административ законнарны бозуга юл куймау, - ди Кукмара районы эчке эшләр бүлеге начальнигы Рамил Нургалиев. – Бүлектәге барлык хезмәткәрләр дә бүген үзләре билгеләнгән участокларда тавыш бирәләр. Мин үзем Кукмараның “Ромашка” балалар бакчасында урнашкан участокта сайладым. Биредә сайлау оешкан төстә бара, халык актив. Әлегә хокук бозулар күзәтелми”.