Җәмигъ мәчетенең архитектура концепциясенә конкурс ачылды

Җәмигъ мәчетенең архитектура концепциясен эшләүгә халыкара конкурска старт игълан ителде. 

«Игелек» Республика фонды башкаручы директоры Илнур Рәхимов әйтүенчә, мәчет кимендә 10 мең кеше сыйдырышлы булачак, дип яза «Татар-информ» МА.

«Мәчет лаеклы архитектура һәйкәле булыр дип ышанабыз», - диде ул. 

Конкурс жюри составына танылган архитекторлар, фәнни җәмәгатьчелек вәкилләре, мөселман дин әһелләре, дәүләт һәм муниципаль хакимият органнары керәчәк.

Конкурс өч ай узачак. «Бу вакыт конкурста катнашу өчен җитәрлек дип саныйбыз», - диделәр белгечләр.

фото: «Татар-информ» МА