Кукмаралы янәсе табылган документлар өчен мошенникларның картасына акча күчергән

Район эчке эшләр бүлегенең дежур частена кукмаралы мөрәҗәгать итеп, билгесез кешеләргә 5 мең сум күләмендә акча күчерүе турында хәбәр иткән. Ачыкланганча, ул социаль челтәрдә документлары югалу турында игълан урнаштырган булган. Көннәрнең берсендә аның кесә телефонына билгесез кеше шалтыратып, документларын табуы турында җиткергән. Ә документларны кайтарган һәм китереп биргән өчен 5 мең сум күләмендә акча сораган. Зыян күрүче банкомат аша әйтелгән сумманы күчергән, әмма аңа документларын кайтармаганнар.

Әлеге факт буенча полициянең дознания бүлекчәсе тарафыннан җинаять эше кузгатылган.

фото: Рамиль Гали/ "Татар-информ"