Кукмаралы хокуксыз рәвештә танышының машинасын алып чыгып киткән

Күптән түгел район суды хокуксыз рәвештә танышының транспортын алган өчен 35 яшьлек Кукмара районы Манзарас авылы кешесенә карата карар чыгарды.

1984 елгы кукмаралы, исерек хәлдә, Гафиятуллин урамындагы күпфатирлы йортларның берсендә яшәүче танышының рөхсәтеннән башка автомобиль ачкычын алып чыгып китә. Урлау максатын күз алдында тотмыйча, хокуксыз рәвештә чит ил машинасына утырып, Манзарас авылына таба юл тота. Ул шул ук көнне полиция хезмәткәрләре тарафыннан тоткарлана.

Суд утырышында ир-ат үз гаебен таныган. Суд аны гаепле дип табып, шартлы рәвештә җәза биргән. Автомобиль хуҗасына кайтарылган.

фото: ИА "Татар-информ"