Кукмара районында яшәүче бер иргә наркотик саткан өчен өч елга хөкем ителгән

Кукмара районында яшәүче бер ир наркотик саткан өчен өч елга колониягә эләккән. Бу хакта Кукмара район судының матбугат хезмәте хәбәр итә.

«32 яшьлек ир-ат узган елның 31 октябре, 5 ноябрендә Лубян авылының Ленин урамында урнашкан йортларның берсендә элек сатып алынган наркотик чаралары саткан. Ул аңа кадәр дә хөкем ителгән булган», - дип сөйләделәр судның матбугат хезмәтендә.

Ир үз гаебен таныган. Суд аны, өч елга ирегеннән мәхрүм итеп, катгый режимлы төзәтү колониясенә билгеләгән.

Фото: «Татар-информ»