Кукмара районында Түбән Өскебаш авыл җирлеге советы депутатын өстәмә сайлаулар узачак

Якшәмбе, 10 декабрьдә, Татарстан Республикасының 15 районында шәһәр һәм авыл җирлекләре советларына депутатларны өстәмә сайлаулар узачак.

Кукмара районында бер мандатлы Мәктәп 1нче номерлы сайлау округы буенча дүртенче чакырылыш Түбән Өскебаш авыл җирлеге депутатын өстәмә сайлаулар узачак. 1700нче сайлау участогы Югары Өскебаш авылында 7.00 сәгатьтән 20.00 сәгатькә кадәр ачык булачак.

«Әгәр сайлаучы тавыш бирү көнендә мөстәкыйль рәвештә (сәламәтлек торышы, инвалидлык сәбәпле) сайлау участогына килә алмаса, ул өйдә тавыш бирә ала. Моның өчен язмача гариза яки телдән мөрәҗәгать участок сайлау комиссиясенә 10 декабрьдә 14.00 сәгатькә кадәр тапшырылырга тиеш», — дип билгеләп үтте Кукмара районы территориаль сайлау комиссиясе секретаре Ирина Ходова.

Фото: Эльвира Иванова/ «Хезмәт даны»