Кукмара районында яшәүче саксызлык аркасында үлемгә китергән өчен хөкем ителгән

Кукмара районы прокуратурасы 53 яшьлек ир-атка карата җинаять эше буенча дәүләт гаепләвен хуплады. Ул Россия Федерациясе Җинаятьләр кодексының 109нчы маддәсенең 1нче өлешендә каралган җинаять кылуда (саксызлык аркасында үлемгә китерү) гаепләнә.

2024 елның 15 апрелендә көндез ир-ат, Яңа Каенсар авылында үз хуҗалыгында алкогольле эчемлекләр эчкәндә, танышы белән талаша. Ачуланышкан вакытта гаепләнүче хатын-кызның аркасына төртә, шуннан ул тигезлеген югалта һәм егыла. Шул вакытта зыян күрүче башы белән бәрелеп, авыр җәрәхәт ала һәм үлә.

Ир-ат үз гаебен тулысынча таныды. Суд аңа 1 ел иреген чикләү рәвешендә җәза билгеләде.

Хөкем карары законлы көченә әле кермәде.