38 яшьлек Кукмара кешесе кәрәзле телефон урлаганы өчен суд каршына басачак

Кукмара районы прокуратурасы элегрәк хөкем ителгән 38 яшьлек Кукмара кешесенә карата ачылган җинаять эше буенча гаепләү актын раслады. Ул Россия Федерациясе Җинаять Кодексының 158нче маддәсенең 2нче бүлегендә каралган җинаять кылуда (гражданинга зур зыян китерү белән кылынган урлау) гаепләнә.

Эш материаллары буенча, гаепләнүче 2022 елның 19 октябрендә Кукмараның Гафиятуллин урамындагы фатирда иптәшләре компаниясендә спиртлы эчемлек эчкән. Табын янында утырганнан соң, барысы да йоклагач, ир-ат балконга чыга һәм шунда кемдер калдырган кесә телефонын таба. Гаепләнүче 10 мең сумнан артыклык табышны ала һәм аннан кача.

Ир кеше үз гаебен таныды һәм урланган телефонны хуҗасына кире кайтарды. Җинаять эше Кукмара район судына асылда карау өчен җибәрелде.