Салмак кына җиргә таң ата (шигъри мизгел)

Сихри нурга манып дөньяны,

Салмак кына җиргә таң ата.

Иң элгәре без уяндык диеп,

Чут-чут итеп кошлар сайраша.

Яфраклардан тамган чык суында

Каурыйларын юа, пакъләнә.

Кошлар да зикер итә башлый,

Алар сайрый - күңел сафлана.

Шул чагында азан тавышына

Адәм баласы да уяна.

Чишмәләрнең чиста суын алып,

Юына ул, тәһарәтләнә.

"Кунар" урыны- намазлыгын

Кыйбла якка борып куя ул,

Бисмиллә әйтеп, намаз укый,

Раббыбызга сәҗдә кыла ул.

25.01.2017.

Заһид Сафин, Кукмара