Зур Сәрдек җирлегендә үрнәк хуҗалыклар бүләк алачак

Зур Сәрдек авылы җирлегенә бүген алты авыл карый: Аш-Буҗи, Адай, Купка, Чишмәбаш, Кара-Елга, Зур Сәрдек. Һәрберсендә узачак сабан туенда үрнәк хуҗалыклар билгеләнеп, мактау грамоталары һәм йорт кирәк-яраклары өчен бүләкләр тапшырылачак. Җирлек башлыгы Миннефәрт Фәттәхов әйтүенчә, әлеге бәйгегә йомгак махсус комиссия тарафыннан ясалды. "Бездә халык йорт-җирен тәртиптә тота. Язга чыгу белән өй, каралты-кура тирәләрен ремонтлау, чистартуга крешкәннәр иде. Хәзер авылыбыз чиста-пөхтә, сабантуйга әзер. "Чисталык айлыгы"нда да авылларыбыз актив катнашты. Планлы рәвештә авылдан кирәкмәс чүп чыгарылды, чүплекләр тәртипкә китерелде, бияләр биялде", - дип сөйләде ул.