Янгынга каршы режим 10 гыйнварга кадәр игълан ителде

Яңа ел бәйрәмнәрен үткәргәндә янгын куркынычсызлыгын тәэмин итү, кешеләрнең тормышын һәм сәламәтлеген, һәр төрле милекне ут афәтеннән саклау максаты белән республикабызда 2017 елның 10 гыйнварына кадәр янгынга каршы режим игълан ителде. Бу чорда:

-сәнәгать объектлары, транспорт инфраструктуралары (автомобиль юлларыннан тыш), ягу-энергетика комплекслары чикләреннән 500 метр арада,

-торак-коммуналь хуҗалык, авыл хуҗалыгы, халык күп була торган объектлар, автомобиль юллары чикләреннән 50 метр арада куркынычлыгы 1-3 класслы пиротехник эшләнмәләрне (бенгаль утлары, шапылдавыклар(хлопушкалар) бу исәпкә керми) куллану тыела.