Уразайга Төркиядән Коръән-хафиз кайткан

Быелгы Рамазан ае кысаларында Татарстанга Төркиянең Стамбул шәһәрендә урнашкан Коръән-хафизларны әзерләүче уку йортыннан 38 Коръән белгече кайткан иде. Шуларның берсе Кыям Текин - Сәрдекбаш җирлегенә караучы Уразай авылына билгеләнде. Кыям Текин биредә тәравих намазлары алып бара. Өйлә намазыннан соң һәм тәравих вакытында Коръәнгә хәтем кыла, ягъни аны тулысынча ике тапкыр укып чыга. Төркиядән килгән мәртәбәле кунак Уразайда 6 августка кадәр торачак һәм аннан тулы делегация составында дин белгечләре кире Төркиягә кайтып китәчәк.