Татарстанда әти-әниләр һәм якыннарны республика газета-журналларына яздырту буенча акция башланды

автор, 25 май 2016 - 13:01

861

Республика газета һәм журналларына Татарстан дәүләт хезмәтләре порталы аша язылырга мөмкин. Әйтик, "Әти-әниләрне яздыр. Якыннарны яздыр"/"Подпиши родителей. Подпиши близких" акциясе кысаларында "Татмедиа" АҖ генераль директоры Андрей Кузьмин дәүләт хезмәтләре порталы аша әти-әнисен Татарстанда басыла торган вакытлы матбугат чараларына яздырган. Андрей Кузьмин сүзләренчә, кичә генә социаль челтәрләрдә #подпиширодителей һәм #подпишиблизких хештаглары...

Андрей Кузьмин сүзләренчә, кичә генә социаль челтәрләрдә #подпиширодителей һәм #подпишиблизких хештаглары белән "Әти-әниләрне яздыр. Якыннарны яздыр" акциясе башланган. "Мин дә бүген үз әти-әниемне яздырдым, өстәвенә, дәүләт хезмәтләре сайты аша", - диде Кузьмин.

Акциягә РФ Дәүләт Думасының кайбер депутатлары да кушылды, алар арасында Марат Бариев, Айрат Хәйруллин, ТР сәламәтлек саклау министры Гадел Вафин һәм башкалар бар. Акциядә катнашучылар балалар учреждениеләрен дә яздыра, шул рәвешле, балаларга бүләк ясый.

Танылган кешеләрнең әлеге акциягә теләктәшлек итүе нәтиҗәсендә, аңа республикада яшәүчеләр дә игътибар итәр дип ниятләнә.

"Безнең әти-әниләр генә түгел, балалар да яздыртуга мохтаҗ. Бу бер үк вакытта "Татмедиа" басмаларына, милли мәдәният, телгә ярдәм итү. Без танылган шәхесләр безнең кешеләр өчен үрнәк булыр дип өметләнәбез, бу басмаларга игътибарны арттырыр дип өметләнәбез. Акциягә районнар да кушылачак", - диде "Татмедиа" АҖ генераль директоры.

Максим КИРИЛОВ
Татар-информ

Следите за самым важным и интересным в Telegram-каналеТатмедиа

«Кукмор Татарстан» Telegram-каналга язылыгыз