Мәчкәрә коррекция мәктәбендә - теннисчылар

Мәчкәрә коррекция мәктәбендә Арча, Питрәч, Әгерҗе районнарындагы коррекция мәктәпләрендә белем алучы балалар арасында өстәл теннисы буенча ярыш үткәрелде. Безнең район данын яклап бәйгедә укытучылары Фәния Әлимова кул астында шөгыльләнүче 3 укучы катнашты һәм алар өчесе дә уңышлы чыгыш ясадылар. Рүзилә Зәйнуллина (Ядегәр авылы), Наил Кондратьев (Кукмара) - 1 урыннарны, Илнар Шәмсиев (Березняк авылы) 2 урынны алдылар. Гомуми команда зачетында Мәчкәрә коррекция мәктәбе җиңеп чыкты. Турнирда җиңүчеләргә дипломнар, истәлек бүләкләре, медальләр тапшырылды.