Районыбызда 40 ел үскән чыршылар урынына автотукталыш барлыкка килде (+фото)

Агымдагы елның августында Кукмараның Ленин урамында урнашкан элекке район кулланучылар җәмгыяте бинасы каршындагы 40 ел үскән чыршыларның бер өлешен кискәннәр иде. Сәбәбе - биредә тиздән ачылачак сәүдә-офис үзәгенә машина тукталышы ясауда иде. Әмма кукмаралыларны бу хәбәр сөендермәде, киресенчә, хәтта арада ризасызлык белдереп гаделлек табу өчен прокуратурага да мөрәҗәгать итүчеләр булды. Әлеге проблеманы күтәреп "Хезмәт даны" газетасы да "Кукмарага яшеллек кирәкме?" дигән язма бастырды. (бу хакта тулырак: http://kukmor-rt.ru/ru/component/k2/item/2898-kukmara..әkme?.html ).

Бу вакыйгалардан соң өч ай үткәч, биредәге үзгәрешләрне күреп кайтырга булдык. Ә чыршылар киселгән урында, чыннан да, заманча машина тукталышы төзелгән. Әлегә аны ап-ак кар баскан...