Полиция хезмәткәрләре укучыларга террорлыкның кеше тормышына куркыныч тудыруын төшендерделәр (фото)

(Кукмара, 6 сентябрь, "Хезмәт даны") Террорга каршы теләктәшлек көнендә полиция хезмәткәрләре, гаилә бәхетсезлеге һәм балигъ булмаганнар арасында хокук бозуларны кисәтү буенча инспекторлар мәктәпләрдә сыйныф сәгатьләре, акцияләр уздырдылар. Алар террорлыкның кеше тормышына зур куркыныч тудыруына басым ясадылар, халык күпләр җыелган урыннарда, җәмәгать транспортында игътибарлы булуның мөһимлеген, ташлап калдырылган, хуҗасыз сумкалар, шикле предметлар очраганда ниләр эшләргә кирәклеген аңлаттылар.