Олыяз китапханәсе хәбәрләре

Олыяз авылы китапханәчесе китап укучылар белән экскурсиягә барды. Табигать кочагында төрледән-төрле уеннар уйнадык, скакалкада сикерү, 2 командага бүленеп футбол ярышы үткәрдек. "12 июнь-Россия көне" уңаеннан укучылар белән әңгәмә булды, табышмаклар чиштек.

***

Бөек шагыйребез, язучы Александр Сергеевич Пушкинның туган көне уңаеннан Олыяз урта мәктәбендә эшләп килүче лагерьга йөрүче балалар Олыяз авылы китапханәсенә кунакка килделәр. Китапханәче "Пушкин һәм аның иҗаты" исемле әңгәмә үткәрде. Әңгәмә вакытында укучылар тагын бер тапкыр Пушкинның тормыш юлы, иҗаты белән танышып киттеләр. Китапханәче әзерләгән презентацияне һәм китап күргәзмәсен карап үттеләр. Әңгәмә ахырында укучылар китаплар алып кайтып киттеләр.

Сөмбелә Насретдинова