Олыяз балалары Маһиәнвәр әбинең хәлен белде (фото)

Районыбызда "Язгы мәрхәмәтлелек атнасы" акциясе бара. Аның кысаларында китапханәгә йөрүче укучылар белән сугыш чоры баласы Маһиәнвәр әби янына хәл белешергә һәм көчебездән килгәнчә ярдәм итәргә бардык. Маһиәнвәр әби укучыларны үзенең тормыш юлы, балачактагы, яшьлектәге истәлекләре белән таныштырды, тормыш юлында булган кызыклы хатирәләр белән уртаклашты. Укучы балалар бик тә теләп тыл ветеранына көнкүреш эшләрендә булыштылар: идән себерделәр, гөлләргә су сиптеләр, тузан сөрттеләр һәм киштәләрне тәртипкә китерделәр. Балаларның хезмәтләренә Маһиәнвәр әби бик сөенде, рәхмәт сүзләрен ирештерде, дип хәбәр итте Олыяз авылы китапханәчесе Сөмбелә Камалиева.