Музей директоры Ләбүдә Дәүләтшина: “Кукмарада балалар итектән килеп чыга, дип шаяртып сөйлибез”

"Хезмәт даны" газетасының 17 май санында "Мин - Кукмара итегеннән" дигән язма басылып чыкты. Югары Арбаш авылыннан Ландыш Салихова чит якларга баргач: "Син Кукмара итегеннәнмени?" - дип шаяртып сорауларын язып уза. Ул аны кайда ишеткәндер, димәк, бу сорауны биргән кеше Кукмара музеенда булган икән дигән җирлек бар. Чөнки музейда уздырыла торган экскурсия вакытында без, Кукмарада балалар менә шушы итектән килеп чыга дип, шаяртып сөйлибез. Бу мәкаләне укыгач, димәк, Кукмара итекләренең даны еракларга таралган дип горурландык.