Көзге чакырылышта Кукмарадан 80гә якын егет армиягә китәчәк

Район хәрби комиссариатыннан алынган мәгълүматларга караганда көзге чакырылыш вакытында Кукмарадан 80гә якын ир-егет илне саклауга озатылачак. Беренче төркем 20 октябрьдән соң юлга кузгалачак дип планлаштырыла.

Булачак солдатлар армия хезмәтен Адлерда, Мәскәү астында, Үзәк, Көнчыгыш, Көнбатыш хәрби округларда үтәчәкләр. Егетләрнең күбесе югары, урта һөнәри белемле, "В", "С" категорияле машина йөртү таныклыгына ия.