Кукмарада терроризмга каршы көрәш комиссиясенең утырышы узды

Районның терроризмга каршы көрәш комиссиясенең чираттагы киңәйтелгән утырышы үткәрелде. Анда 3 апрельдә Санкт-Петербург шәһәре метрополитенында килеп чыккан вакыйга уңаеннан районыбызда террорлык актларын кисәтү һәм җәмәгать куркынычсызлыгын тәэмин итү өчен өстәмә чаралар күрү мәсьәләләре каралды. Район Башкарма комитет җитәкчесе Азат Гарифуллин, эчке эшләр бүлеге начальнигы Рамил Нургалиев, Кукмара янгын-коткару часте начальнигы Илмир Хәбибрахманов, КПАТП-1 идарәсенең Кукмара филиалы җитәкчесе Нияз Фатыйхов, район башлыгы урынбасары Равия Каримуллиналарның чыгышлары тыңланды, тикшерелгән мәсьәләләр буенча карарлар кабул ителде.