Кукмарада терроризмга каршы комиссиянең утырышы узды

Район Советында узган утырышта Татарстан Республикасында терроризмга каршы комиссия аппараты җитәкчесе Илдар Галиев, Татарстан Республикасында терроризмга каршы комиссия аппаратының баш киңәшчесе Марат Әскәров катнашты. Көн тәртибендә 7 мәсьәлә каралды. Агымдагы елның беренче кварталында регионда социаль-икътисадый хәлне белү өчен халык арасында социологик тикшерү (сораштыру) уздырылды. Сораштыруда 27 ир-егет, 33 хатын-кыз катнашты. Аның нәтиҗәләре турында районның терроризмга каршы комиссиянең утырышында сөйләнде. Шулай ук нәтиҗәләр белән Кукмара муниципаль районы сайтының "Кукмара районының терроризмга каршы комиссиясе" дигән бүлектә танышырга мөмкин.