Кукмарада кыйныйлар һәм урлыйлар

Узган атнада район эчке эшләр бүлегенә 96 гариза һәм хәбәр керде, шуларның дүртесе җинаятьләр турында, дип хәбәр итә kukmor-ovd.ru сайты.

2 мартта, якынча 17.30 сәгатьтә, Степан Разин урамындагы йортларның берсенең ишегалдында, Кукмарада яшәүче хатын-кыз балигъ булмаган баланы кыйнаган. Шушы ук көнне төнге сәгать 23.30да Сазтамак авылы кешесе үзенең хуҗалык ишегалдында хатынын кыйнаган. Полиция хезмәткәрләре тарафыннан Кукмара кешесенең 3 мартта үзе белән бергә язылышмыйча яшәүче хатынын кыйнау факты ачыкланган. 7 мартка каршы төндә Күкшелдә яшәүче үзләренең авылларындагы "Ләйсән" кибетенә үтеп кергән һәм аннан якынча 5 мең сумлык товар урлаган.

Узган атнада районда 16 юл фаҗигасе теркәлгән, аларда бер кеше зыян күргән. Төрле административ хокук бозулар өчен 194 кеше бүлеккә китерелгән.

фото: http://ufabezcasino.ru/page/51