Кукмарада Җиңү көне кайтавазлары

Вахитов урамындагы спортплощадкада 2001 елга кадәр туган балалар өчен Виктор Аввакумов истәлегенә Вахитов һәм Нур Баян урамнары арасында мини футбол ярышы узды. Әлеге чараның иганәчесе - Ленин урамы буйлап урнашкан "Мир детства", "Меридиан" кибетләре хуҗасы, Аввакумовның улы Владимир булды. Ярыш 6:6 хисабына тәмамланган иде, әмма пенальти нәтиҗәсе буенча "Вахитов" командасы өстен чыкты.

"Зилант" спорткомлексында 2001 елда туган балалар, яшьләр һәм ветераннар арасында Илнар Гарипов һәм Валентин Федоровның "Мир компьютеров" кибете призларына өстәл теннисы буенча турнир узды. Балалар арасында Зур Кукмарадан Булат Шәфигуллин, ветераннар арасында Борис Карпюк беренче урыннарга лаек булдылар. Бу көнне балалар арасында дартс буенча да турнир үткәрелде. Чемпион исеменә Никита Николаев лаек булды.

фото: http://images.yandex.ru/yandsearch