Кукмара мәгариф системасы - иң яхшы унлыкта

автор, 17 октябрь 2017 - 05:09

971

Октябрь башында Казанның "Корстон" күңел ачу комплексында Халыкара укытучылар көненә багышланган тантана узды. Чарада Президентыбыз Рөстәм Миңнеханов, дәүләт киңәшчесе Минтимер Шәймиев, Татарстан Дәүләт Советы рәисе Фәрид Мөхәммәтшин, республиканың мәгариф һәм фән министры Энгель Фәттахов һәм башка рәсми затлар катнашты. Кукмара белем бирүнең сыйфаты буенча иң яхшы ун район исемлегенә керде...

Кукмара мәгариф системасы - иң яхшы унлыкта

-Районыбызның мәгариф системасы 2016-2017 уку елында төп күрсәткечләр буенча яхшы нәтиҗәләргә иреште. Бу - барлык мәгариф хезмәткәрләренең тырыш һәм фидакарь эшчәнлеге нәтиҗәсе. Мәктәп директорымы ул, укытучы, тәрбиячеме - һәммәсе яшь буынга белем һәм тәрбия бирүгә үзләреннән зур өлеш кертәләр, - ди район мәгариф идарәсе җитәкчесе Роберт Мансуров. - Күптән түгел бәйрәм чарасында "Мәгариф өлкәсендә иң яхшы муниципаль команда - 2017" дигән Диплом һәм Кубокка ия булдык. Бу безнең районда белем һәм тәрбия бирүдә нәтиҗәле эш алып барылу турында сөйли. Без моның шулай булуын алдагы елда да исбатлаячакбыз.

Эльвира МИННӘХМӘТОВА