Кукмара 4нче мәктәбендә шигырь бәйрәме гөрләде (фото)

Габдулла Тукайның тууына 131 ел тулу уңаеннан Кукмара 4нче урта мәктәбендә зур чара - "Шигырь бәйрәме" үтте. Биредә укучылар үзләре иҗат иткән шигырьләрне сөйләделәр, бөек шагыйребез Габдулла Тукайга багышланган язмаларны укыдылар, җырлар башкардылар.

Бәйрәм кунагы - якташ язучыбыз, шагыйрә Наилә апа Сәгъдиева иде. Наилә апа иҗат дәрте белән ялкынланып янучы балаларга рәхмәт сүзләрен ирештерде, укучыларны үзенең иҗат җимешләре белән таныштырып китте.

Шигырь бәйрәме "Туган тел" җыры белән тәмамланды.