Камышлы авылы мәчетендә ифтар мәҗлесе оештырыла

Әссәләмүгаләйкүм! 11 сентябрь - Гарәфә көн. Мөселман дөньясы әлеге көнне уразада, күбрәк дога кылып гыйбәдәттә була. Хаҗиларыбыз Гарәфә тавында догада үткәрәләр әлеге көнне. Шул хөрмәттән, Камышлы авылы мәчетендә ифтар мәҗлесе оештырыла. Гарәфә көнен зурлап уразалар тотып үткәрсәк, бик күркәм булыр. Әбү Катагда Пәйгамбәребездән җиткерә:"Гарәфә көн уразасы ике еллык гөнаһлар кичерелүгә сәбәп булып тора. Үткән елгы һәм киләсе елда кылыначак гөнаһлар". Аллаһ Раббыбыз уразаларыбызны кабул итсен!

Рәдиф Тимергалиев, Камышлы авылы имам-хатыйбы