Фото: Беренче гимназиядә – Бантиклар бәйрәме

Бүген беренче гимназиядә беренче-икенче сыйныфлар арасында бик матур "Бантиклар бәйрәме" үткәрелде. Аллы-гөлле бантик, тасмалар таккан малайлар-кызларга карагач, җәйге җылы көннәр искә төшеп, сагындырып куйды, чөнки алар төрле төстәге чәчкәләрне хәтерләтәләр иде. Әлеге чарада кызлар гына түгел, малайлар да бик теләп катнашты, хәтта укытучыларның да чәчләрен матур бантиклар бизәде. Төрле конкурс, уеннар белән үрелеп барган бәйрәм бик күңелле үтте.

Ризилә КОРБАНОВА