BMW автомобиле шоферы ЮХИДИ инспекторын юлдан сөйрәтеп барган

BMW автомобиле руле артындагы ир светофорның кызыл утын карап та тормыйча, юлын дәвам итә. ЮХИДИ хезмәткәрләре аны куа китә. Бу хәл Чаллы шәһәрендә була. Ниһаять, чит ил машинасы туктый. Автоинспектор аның янына килә һәм аракы исен тоеп, кабызу йозагыннан(замок зажигания) ачкычны тартып алмакчы була. Әмма машина хуҗасы шулвакытта кузгалып китә һәм автоинспекторны берничә дистә метр сөйрәп бара. Бу вакытта машинаның тизлеге сәгатенә 100 чакрымга җитә. Курыккан һәм яраланган автоинспектор машина салоныннан кулын чыгара алган һәм үзе мөстәкыйль рәвештә эш машинасына барып утырган. Аңа медиклар ярдәме кирәк булган.

источник: http://efir24.tv

фото: https://yandex.ru