“Башваткыч”та - Кукмара агар көллияте студентлары (фото)

Күпчелек яшьләр юрист, хисапчы, менеджер, икътисадчы белгечлекләренә тартыла, ләкин һөнәрең буенча эш таба алмыйча дипломыңа карап өйдә утырудан ни файда? Ә менә эшче һөнәрләргә ихтыяҗ беркайчан кимеми. Эретеп ябыштыручы, аш-су остасы, тракторчы, авыл хуҗалыгы белгечләренә бүгенге көндә сорау аеруча зур. Кукмара агар көллиятендә дә нәкъ менә киләчәк турында уйлаган, эшче һөнәренең мөһимлеген аңлаган яшьләр укый. Алар бүген бездә "Башваткыч" тапшыруында кунакта, дип яза https://vk.com/club71531372

Тапшыруны 15 апрельдә "ТНВ-Планета"дан 11.00 һәм 19.20 сәгатьләрдә, 16 апрельдә "ТНВ" каналында 18.00 сәгатьтә карый аласыз. "ТНВ" каналында кабатлап күрсәтү - 21 апрельдә 13.00 сәгатьтә.