25 апрель кичендә бу хатын медицина үзәгенә мөрәҗәгать итә һәм баласына начар булуын әйтә. Табиблар баланың хәле канәгатьләнерлек булуын ачыклый. Хатын икенче терминалга бара, анда ишекләр бикле була. Аннары ул баласын җирдә калдыра һәм китеп бара. Җирдә елап яткан баланы үтеп баручылар таба һәм сырхауханәгә кертә.
Кыз балага бер ай тирәсе, чәчләре җирән, күзләре кара. Ул тәрбия күргән дип хәбәр итә полиция - чөнки киемнәре чиста була. Прививка эзләренә карап, аның бала табу йортында туганын ачыклыйлар.
Бу хатын-кыз ниндидер кыенлыклар барлыкка килү сәбәпле бэби-бокс эзләгән, әмма аны таба алмау сәбәпле, баласын урамда калдырган дигән фараз бар.
«Безнең өчен бу ананы табу мөһим. Ул безгә баланың статусын билгеләү өчен кирәк. Билгеле, ул үзе килсә, яхшырак булыр иде. Әгәр әнисенә кирәк булмаса, ул яки кызлыкка алыначак, яки дәүләт учрежлдениесенә җибәреләчәк. Хәзер без аны эзлибез, халыктан ярдәм сорыйбыз», - ди Римма Искәндәрова.
Бу хатын-кызга чама белән 30-35 яшь, ябык, буе 150-155 см. Баласын калдырганда озын кара курткадан була. Бала хәзер сырхауханәдә.
Баласын калдырган ханым видеокамераларга эләккән.
Нет комментариев