9 май салютыннан соң такси машинасы гомерен өзгән кызның әнисе дә үлгән

Узган шимбә, 30 май көнне 12нче Казан дәваханәсендә 32 яшьлек Алсу Мөбарәкованың гомере өзелгән. Аны 9 май көнне салюттан соң кызы белән бергә кайтып барганда такси автомобиле бәрдерә. Кыз бала урында ук һәлак була, әнисен исә авыр хәлдә дәваханәгә җибәрәләр. Шулай ук ул көнне тагын 13, 17 яшьлек ике бала һәм ике хатын-кыз да зыян күргән була.

Табиблар 32 яшьлек ханымның гомерен саклап калу өчен 20 көн буена көрәшәләр. Әмма 30 май көнне аның йөрәге тибүдән туктый, дип хәбәр итә http://prokazan.ru.

Фото: vk.com