Тат.Тулба китапханәсе яңалыклары (фотолар)

Тат.Тулба авылы мәдәният йорты хезмәткәрләре, "ЭкоЯз - 2017" санитар-чистарту экологик икеайлыгына кушылып, авыл урамын һәм юл кырыйларын чистартты.

Габдулла Тукайның китаплары безне матурлыкка, яхшылыкка өйрәтә, шәфкатьле, гадел, кыю булырга өнди. Тарихыбызны белергә, туган телебезне яратырга, шагыйрьнең әкият-шигырьләрен тагын бер кат күңелдән үткәрү максатыннан "Тукай иленә сәяхәт" дигән чара оештырылды.

"Тукай иленә сәяхәт" дигән җыентыктан шагыйрьнең шигырьләрен, әкиятләрен табып укыдык, тормышына, иҗатына кагылышлы мәгълүматлар алдык, рәссамнарның әсәрләренә ясаган рәсемнәрен карадык. Китапта бирелгән төрле кызыклы биремнәргә, сорауларга җаваплар бирдек.

Китапханәче Гөлнара ХӘСӘНОВА