Өзелгән өмет тамчысы - хикәя
«Кайтып алып киткән... Тагын сихерләгән, тагын үзенә караткан», — дигән уй Фагыйләнең баш миен яндырып үтте. — Оныт инде син аны, нәрсәгә шул хайван өчен үзеңне бетерәсең. Юньле кеше чәчәктән чәчәккә кунган күбәләк шикелле очраган бер итәк артыннан йөгерми. Улыңны кеше итәрбез. Аңа гына көч җитәр. Әле менә тагын бүләкләр, киемнәр алып кайттым үзенә.
