МХО ветераны Руслан Арсланов: Әмма иң мөһиме – сабырлык, түземлек һәм иптәшләреңә ышаныч

Махсус хәрби опера­ция зонасыннан кайткан ветеран Руслан Арсла­нов узган ел “Татарстан Республикасы халык­ны эш белән тәэмин итү үзәге”нең район буенча бүлегендә исәпкә баса.

Бераздан аның белән эшкә урнашу өчен социаль яклау бүлеге аша килешү төзелә. Дәүләт тарафыннан күрсәтелгән әлеге ярдәм чарасы райондашыбызга киләчәккә ышаныч белән карарга мөмкинлек бирә.
Руслан тумышы белән Кукмарадан. Ул, 3нче урта мәктәпне тәмамлагач, бе­лем алуын Казан югары артиллерия команда учи­лищесында дәвам итә.

– Балачактан хәрби юнәлешне үз иттем. Шуңа күрә әлеге уку йортын сай­ладым да инде. 2006 елда диплом алганнан соң, хәрби хезмәткә Чечен Ре­спубликасына җибәрелдем. 2011 елда килешү вакы­ты тәмамлангач, хезмәт итүдән туктадым. Әмма җиде елдан соң язмыш ка­бат бу юлга алып килде: килешү төзеп, Кавказ якла­рына киттем. Ингушетиядә, Төньяк Осетия-Аланиядә хезмәт иттем, – ди әңгәмәдәшем.

Райондашыбызның соңгы хезмәт урыны Көньяк Осетиянең Цхин­вал шәһәре була. Нәкъ менә шуннан ул 2022 елның апрель ахырында махсус хәрби операция зо­насына җибәрелә.

– Взвод команди­ры итеп билгеләделәр. Егетләр белән бергәләп куелган хәрби бурычлар­ны үтәдек, бер-беребезгә терәк булып, барлык сы­науларны да уза алдык, – ди өлкән лейтенант. – Андагы шартлар җиңел түгел. Әмма иң мөһиме – сабырлык, түземлек һәм иптәшләреңә ышаныч.

Хәрби бурычын үтәгәндә күрсәткән батыр­лыклары өчен Руслан Ра­сим улы “Батырлык өчен” һәм “Суворов” медальләре белән бүләкләнә.

– Тик тормыш һәрвакыт без теләгәнчә генә бармый. Сәламәтлек торы­шы буенча 2025 елда хәрби хезмәттән азат ителдем