Уңган-булган әнием

Язмышлар шундый инде: Нократ Аланы районының Түбән Шөн авылында үскән әнием Фәнзилә Галиева (Корбанова) да яшь чагында, утыз ел буе Зур Сәрдек авылының балалар бакчасында хезмәт куеп, лаеклы ялга чыгармын, дип уйлап та карамагандыр. Сәвәли авыл хуҗалыгы техникумын тәмамлап, зоотехник дипломы алганнан соң, тормышы шушы авыл белән бәйләнгән аның.

Әни кул эшләрен яратып башкара: башмаклар, мунчалалар бәйли. Җәй җитсә, җиләк җыярга йөри, аннары гөмбә чоры башлана. Без Казанда яшәгәндә, өч оныгыма күчтәнәч дип, табигать нигъмәтләрен безгә дә китереп китә иде. Күршеләргә дә өлеш чыгара. Яратабыз сине, әнием!