Татарстанның Кукмара районында җиңел автомобиль КамАЗга бәрелгән, зыян күрүчеләр бар
Юл фаҗигасе Өлге-Нырты совхозы юлында килеп чыга.
Татарстанның Кукмара районында җиңел автомобиль КамАЗга бәрелгән, ике кеше зыян күргән. Бу хакта Кукмара районының ЮХИДИ бүлекчәсендә хәбәр иттеләр.
Юл-транспорт һәлакәте 12 августта сәгать 14.25тә Кукмара районының Өлге-Нырты совхозы юлында килеп чыга. Лада Гранта автомобиленең 24 яшьлек шоферы үзеннән алда баручы КамАЗ белән ике арада тиешле араны сакламый, КамАЗ сулга таба борылганда каршы яктан килүче автомобильне уздыру өчен тизлеген киметә дә, җиңел автомобиль аңа бәрелә.
Лада Гранта машинасының шоферы, 53 яшьлек пассажиры Кукмара районы үзәк дәваханәсенә җибәрелә.
фото: ЮХИДИ бүлекчәсе
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев