Кукмарада “Маячок” профилактик чарасы үткәрелде

25 июль көнне 15.00 сәгатьтән 16.30 сәгатькә кадәр Кукмара шәһәре территориясендә дәүләт автоинспекциясе тарафыннан, янгын-коткару часте һәм патруль машиналарын кулланып, “Маячок” профилактик чарасы үткәрелде. Әлеге операциянең максаты транспорт йөртүчеләр арасында тәртипне ныгыту иде.

Рейд нәтиҗәләре юл хәрәкәтендә катнашучыларның күбесе тәртипле булуын һәм кичекмәстән махсус транспортка юл бирүен күрсәтте. Әмма операция барышында махсус машиналарның сигналларына игътибар итмичә, аларга юл бирмәгән машина йөртүчеләр тарафыннан 3 хокук бозу очрагы теркәлде.

фото: район ЮХИДИ идарәсе