Кукмарада мәктәп укучысы машина астына эләккән

Кукмарада мәктәп укучысы юлның тиеш булмаган урыныннан йөгереп чыгарга була һәм автомобиль астына эләгә. Бу хакта Кукмара районының юл хәрәкәте иминлеге дәүләт инспекциясендә хәбәр иттеләр.

Кичә, 21 мартта, сәгать 17.40та Ленин урамы, 12нче йорт янында КИА РИО автомобиле астына 10 яшьлек малай эләгә. Ул юлның җәяүлеләр өчен тиеш булмаган урыныннан йөгереп чыгарга җыенган була.

Балага район үзәк дәваханәсендә ярдәм күрсәтелә.

фото: Кукмара районының юл хәрәкәте иминлеге дәүләт инспекциясе