Кукмарада «Яшел ут» конкурсына нәтиҗә ясалды

Кукмарада балаларны юл йөрү кагыйдәләренә өйрәтү һәм юл-транспорт һәлакәтләрендә имгәнүләрне кисәтү буенча мәктәпкәчә белем бирү учреждениеләре арасында оештырылган «Яшел ут» смотр-конкурсының район этабына нәтиҗә ясалды.
Бәйге район мәгариф идарәсе, Кукмара районының ЮХИДИ бүлеге, районның «Юл хәрәкәте иминлеге» учреждениесе тарафыннан уздырылды.

Конкурста 14 балалар бакчасы һәм 14 тәрбияче катнашты. Тәрбиячеләр һәм бакча мөдирләре үзләренең белем-күнекмәләрен күрсәтте, тәҗрибәләре белән уртаклашты, юл йөрү кагыйдәләре буенча имтихан тапшырды, балалар белән дәрес фрагменты күрсәтте.

Конкурс нәтиҗәләре буенча 1 урын «Каенкай» балалар бакчасына (мөдир Людмила Владимирова), 2 урын «Чулпан» бакчасына (мөдир Чулпан Ильина), 3 урын «Салават күпере» балалар бакчасына (мөдир Лилия Каюмова) бирелде.

Тәрбиячеләр арасында 1 урынга — Гөлфия Исмәгыйлева («Кыңгырау» бакчасы) , 2 урынга — Гөлия Садыйкова («Кояшкай» бакчасы), 3 урынга Диана Трофимова («Чулпан» бакчасы) чыкты.

Юл йөрү кагыйдәләре буенча имтихан тапшыруда Гөлнара Минһаҗева («Йолдызлык»), иң яхшы дәрес бирүдә Наталья Яковлевага («Гөрләвек») тиңнәр булмады.