Кукмара районында җиңел автомобиль юл читенә төшкән

Кукмара районында җиңел автомобиль белән бәйле юл фаҗигасе була. Бу хакта район Дәүләт автоинпсекциясендә хәбәр иттеләр. 

Юл фаҗигасе 24 мартта сәгать 10.45 тирәсендә «Кукмара-Шәмәрдән-Янсыбы-Зур Сәрдек-Тырыш» автоюлының 4 чакрым+200 метрында килеп чыга. 

Беренчел версия буенча, «Хендэ» автомобиле шоферы Купка авылы ягыннан Кукмарага таба хәрәкәт иткән вакытта иминлекне тәэмин итүче тизлекне сакламый, транспорт чарасын автомобиль юлында урнаштыру кагыйдәләрен боза, юл кырына чыга һәм руль белән идарә итүен югалтып, дамба астына төшеп китә. 

Юл һәлакәтендә шофер зыян күрә. Аңа медицина ярдәме күрсәтелә.

фото: район Дәүләт автоинпсекциясе