Фото: Районыбызның мәгариф учрежденияләрендә юл фаҗигаләрендә һәлак булучыларны искә алдылар

Әлеге уңайдан Лубян урман-техника, Кукмара аграр көллиятләрендә - әңгәмә, Лубян, Ядегәр урта мәктәпләрендә акцияләр оештырылды. Укучыларга һәм студентларга юл йөрү кагыйдәләре турында кинофильмнар, слайдлар күрсәтелде. ЮХИДИ хезмәткәре Ранил Гиниятуллин, "Юл хәрәкәте иминлеге" бүлеге начальнигы Елена Яковлева укучылар белән юл йөрү тәртибе турында әңгәмә үткәрделәр. Шулай ук чарада катнашучылар алдында гадәттән тыш хәлләр, сәламәтлекне саклау, полиция хезмәткәрләре дә чыгыш ясады. Очрашу ахырында юл-транспорт фаҗигаләрендә һәлак булучыларны бер минут тынлык белән искә алдылар.