Спорт яңалыклары

“Атлант” спорт клубында шөгыльләнүчеләр Казанда киокусинкай каратэ буенча узган ачык кубокта катнашып, Йосыф Шәфигуллин, Самира Шакировалар - беренче, Зилия Миннемуллина - икенче, Ильяс Әхмәтгалиев өченче урын яулады. Тренерлары – Илшат Сәмигуллин.

“Зилант” спорт мәктәбенең самбо бүлегендә шөгыльләнүчеләр (тренерлары - Марес Бадертдинов) Киров шәһәрендә узган “Динамо” җәмгыятенең бөтенроссия ачык ярышларында катнашып, үз үлчәү авырлыгында Ильяс Баһаманов (беренче гимназия) - җиңүче, Ранил Газизуллин (күппрофильле лицей) бронза призер булды.

“Зилант” спорт мәктәбенең бокс бүлегендә тәрбияләнүче кызлар (тренерлары - Алексей Гоглев) Казан шәһәрендә үткәрелгән бокс буенча республика беренчелегендә катнашып, Арина Кибякова - көмеш, Диләрә Нурмөхәммәтова (күппрофильле лицей) бронза медаль яулады.