Кукмараның йөзүче кызлары матур нәтиҗәләргә иреште

“Зилант” спорт мәктәбенең йөзү бүлегендә шөгыльләнүчеләр 2003-2004 елгы егетләр һәм 2005-2006 елгы кызлар арасында Казанда үткәрелгән Татарстан беренчелегендә катнаштылар. Альберт Закиров кул астында шөгыльләнүчеләр анда югары күрсәткечләргә ирештеләр.

Азалия Шагеева 50 метрга брасс белән йөзүдә алтын медаль яулады һәм спорт мастерына кандидат разрядын дәлилләп, республиканың җыелма командасы составына керде. 100 һәм 200 метрга брасс белән йөзүдә ул өченче урынны алды. Алсу Зайцева 50 метрга ирекле стильдә йөзүдә бронза медаль яулады.