Кукмарада өстәл теннисы буенча «Район башлыгы Кубогы»на район беренчелеге дәвам итә

Бүген «Барс Арена» спорткомплексында өстәл теннисы буенча «Район башлыгы Кубогы»на район беренчелегенең җиденче этабы үтте. 

Ярышларның баш хөкемдары Ленар Галиев сүзләре буенча, беренче өчлектә лидерлар — Поршур авылыннан Эдуард Трофимов, Кукмарадан Данил Билалов, Туембаштан Илназ Корбанов. 

Ярышлар өч категориядә бара — 18 яшьтән өлкәнрәк ир-егетләр, 18 яшькә кадәрге үсмерләр, кызлар һәм хатын-кызлар. Декабрь аенда супер-финал узачак, 16 иң яхшы уенчы төп приз өчен көч сынашачак.

Фото: Эльвира Иванова/ «Хезмәт даны»