Кукмарада беренче тапкыр пляж футболы буенча турнир узды

Кичә һава торышы болытлы булуга карамастан, шәһәр пляжында эссе иде. Чөнки Кукмараның спорты тарихында беренче тапкыр пляж футболы буенча турнир узды.

Ярышта 8 команда көч сынашты: «Кукмара-2012», «Кукмара-2013», «Кукмара-2014» (1), «Кукмара-2014» (2), «Шөн», «Бразилия» (Кукмара). Уенда катнашучылар дүртәр командадан торган ике төркемгә бүленделәр. Үз төркемнәрендә беренче урынны алган ике команда ярымфиналга чыга. Шунысы кызыклы иде: командадан теләсә кайсы уенчының әти-әнисе капкачы була алды.

Спорт — ул һәрвакыт дулкынландыргыч. Балалар җиңәргә тели, тренерлар команда өчен борчыла, ә ата-аналар ике якны да кайгырта. Үсеп килүче буынның яраткан, үз иткән спорт төре булу аеруча яхшы. Гел телефонда утырырга димәгән бит! Ә биредә балаларның күзләре яна иде, алар бөтен җаны-тәннәре белән туп типтеләр.

фото: Эльвира Миннәхмәтова/ «Кукмор-информ»