Кукмара районы Састамак авылында мини футбол буенча турнир үткәрелде

Састамак авылындагы спорт мәйданчыгында, кооперация көненә багышлап, мини-футбол буенча турнир үткәрелде. Ярышлар балалар арасында башланып китте, мавыктыргыч уенда дуслык җиңде. Аннан соң уен өлкәннәр арасында дәвам итте. Соңгы нәтиҗәләр буенча Зур Кукмараның яшьләр командасы – беренче, Аш-Буҗи – икенче, Степан Разин – өченче, Састамак командасы дүртенче урынны яулады. Командаларга акчалата призлар һәм кыйммәтле бүләкләр тапшырылды. Зур Кукмара командасыннан Булат Гайфетдинов иң яхшы уенчы булып танылды. Аңа истәлекле кул сәгате тапшырылды, дип хәбәр итте Борис Капюк.