Фото: “Олимп” спорт мәктәбендә шөгыльләнүчеләр кунакка барды

“Олимп” спорт мәктәбенең “Хоккей” бүлегендә Диаз Сәйфетдинов, Илдар Ганиев кул астында шөгыльләнүче балалар, инвалидлар декадасы кысаларында, әти-әниләре белән бергә физик мөмкинлекләре чикле булган Рәмилә Тимергалиеваның хәлен белергә бардылар. Рәмилә бик чиста һәм якты күңелле кыз, ул кунакларны сөенеп, елмаеп каршы алды. Алар алып килгән күчтәнәчләрне дә бик яратып кабул итте. Балалар исә физик мөмкинлекләре чикле кешеләргә карата игътибарлы булырга, хөрмәт белән карарга кирәк дигән нәтиҗә ясадылар, дип хәбәр итте методист Фирая Галиева.